| |
|
|
|
| |
|
||
| |
|
|
|
|
|
|
|
| Home | Back to 1994 Prospectus Table of Contents |
1994 Prospectus: B Archetype |
|
I include only the first 50 lines of the archetype without annotation. Passus tercius de visione vt supra3001 Now is Mede þe mayde . and na mo of hem alle 3002 Wiþ Bedeles and with baillies . brou3t bifore þe kyng 3003 The kyng called a clerk . kan I no3t his name 3004 To take Mede þe maide . and make hire atese 3005 I shal assayen hire my self . and sooþliche appose 3006 What man of þis moolde . þat hire were leuest 3007 And if she werche bi [my] wit . and my wil folwe 3008 I wol forgyuen hire þis gilt . so me god helpe 3009 Curteisly þe clerk þanne . as þe kyng hi3te 3010 Took Mede bi þe myddel . and bro3te hire in to chambre 3011 And þer was murþe & Mynstralcie . Mede to plese 3012 They þat wonyeþ [at] westmynstre . worshipe[d] hire alle 3013 Gentilliche wiþ ioye . þe Iustices somme 3014 Busked hem to þe bour . þer þe burde dwellede 3015 To conforten hire kyndely . by clergies leue 3016 And seiden . mourne no3t Mede . ne make þow no sorwe 3017 ffor we wol wisse þe kyng . and þi wey shape 3018 To be wedded at þi wille . and wher þee leef likeþ 3019 ffor al Conscience cast . or craft as I trowe 3020 Mildely Mede þanne . merciede hem alle 3021 Of hire grete goodnesse . and gaf hem echone 3022 Coupes of clene gold . and coppes of siluer [fol. 13b] 3023 Rynges wiþ Rubies . and richesses manye 3024 The leeste man of hire meynee . a moton of golde 3025 Thanne lau3te þei leue . þise lordes at Mede 3026 Wiþ þat comen clerkes . to conforten hire þe same 3027 And beden hire be bliþe . for we beþ þyne owene 3028 ffor to werche þi wille . þe while þow my3t laste 3029 Hendiliche heo þanne . bihi3te hem þe same 3030 To louen hem lelly . and lordes to make 3031 And in þe Consistorie at þe court . do callen [3ow]re names 3032 Shal no lewednesse lette . þe leode þat I louye 3033 That he ne worþ first auaunced . for I am biknowen 3034 Ther konnynge clerkes . shul clokke bihynde 3035 Thanne cam þer a Confessour . coped as a frere 3036 To Mede þe mayde . he me[ll]ed þise wordes 3037 And seide ful softely . in shrift as it were 3038 Thei3 lewed men and lered men . hadde leyen by þee boþe 3039 And ffals hadde yfolwed þee . alle þise fifty wynter 3040 I shal assoille þee my self . for a seem of whete 3041 And also be þi bedeman . and bere wel þi message 3042 Amonges kny3tes and clerkes . Conscience to torne 3043 Thanne Mede for hire mysdedes . to þat man kneled 3044 And shrof hire of hire sherewednesse . shamelees I trowe 3045 Tolde hym a tale . and took hym a noble 3046 ffor to ben hire Bedeman . and hire brocour als 3047 Thanne he assoilled hire soone . and siþen he seide 3048 We haue a wyndow [a] werchynge . wole sitten vs ful hye 3049 Woldestow glaze þat gable . & graue þerInne þy name 3050 Syker sholde þi soule be . heuene to haue Copyright (c) 1994 by Hoyt N. Duggan, all rights reserved. Last Modified: Friday, 23-Sep-1994 13:02:06 EDT |
Web site copyright © 2007 by the Society for Early English and Norse Electronic Texts (SEENET) all rights reserved. Any views, findings, conclusions, or recommendations expressed in this publication do not necessarily reflect those of the National Endowment for the Humanities. Items in the Archive may be shared in accordance with the Fair Use provisions of U.S. copyright law. Redistribution or republication on other terms, in any medium, requires express written consent from the editors and advance notification of the publisher, The Medieval Academy of America. Permission to reproduce the graphic images in this archive has been granted by the owners of the originals for this publication only.
Contact the Archive: Hoyt N. Duggan 434/296-0706. Office Address: Piers Plowman Electronic Archive, 219 Bryan Hall, University of Virginia P.O. Box 400121, Charlottesville, Virginia 22904-4121, USA